Ծրագրում հնչում են 13-րդ դարի հայ բանաստեղծ Կոստանդին Երզնկացու տաղերի վրա հիմնված «Աստվածային իմաստության երգեր» ժողովածուի ստեղծագործությունները՝ ընգրկելով նաև ստեղծագործություններ «Կարոտի երգեր» ժողովածուից:

«Նաղաշ» անսամբլի համերգները Գերմանիայի դասական երաժշտության ամենահայտնի ռադիոկայանի՝ BR Klassik-ի կողմից բնութագրվել են որպես «հայ ժողովրդական և հոգևոր երաժշտության խորը և հուզիչ միախառնում՝ նոր դասական երաժշտության համադրությամբ», իսկ Rolling Stone-ի կողմից՝ որպես «նրբագեղ խորհրդացության ակնթարթ», իսկ ֆրանսիական Trans Musicales-ը գրում է. «Նաղաշի երաժշտության հոգևոր գեղեցկությունը արթնացնում է ուրախության և էքստազի միախառնում»։

Երաժշտությունը՝ Ջոն Հոդյանի
Խոսքերը՝ Կոնստանդին Երզնկացու(13-րդ դար) և Մկրտիչ Նաղաշի (15-րդ դար):

«Նաղաշ» անսամբլ
Հասմիկ Բաղդասարյան (սոպրանո)
Տաթևիկ Մովսեսյան (սոպրանո)
Արփինե Տեր-Պետրոսյան (ալտ)
Հարություն Չքոլյան (դուդուկ, շվի, պկու)
Արամայիս Նիկողոսյան (ուդ)
Տիգրան Հովհաննիսյան (դհոլ, դափ)
Ջոն հոդյան (կոմպոզիտոր, դաշնամուր)