ԺԱՄԱՆԱԿԱԿԻՑ ԵՐԱԺՇՏՈՒԹՅՈՒՆ | ԻՄՊՐՈՎԻԶԱՑԻԱ

Ժամանակակից երաժիշտների այս հանդիպումը հնարավորություն է լսելու և հետևելու իմպրովիզների ստեղծման շղթայական ընթացքին: Կլինեն նաև ժամանակակից կոմպոզիտորների ստեղծագործություններ:

• Քրիստինե Ղազարյանն այն հազվադեպ տավղահարներից է, որ ներկայացնում է նոր իմպրովիզի և ժամանակակից ակադեմիական երաժշտությունը: Համագործակցել է «ԱԽԷ» ինժեներական թատրոնի և մի շարք հայ և այլազգի երաժիշտների հետ:

• Ալեքսեյ Իվանովը ակուստիկ և էլեկտրոնային հարվածային գործիքների վարպետ է՝ Սանկտ Պետերբուրգից: Ռուսաստանում և եվրոպական շատ երկրներում համագործակցում է մի շարք իմպրովիզացիոն և էքսպերիմենտալ նախագծերի հետ: Ունի նաև իր հեղինակային հաջողված ծրագրերը:

• Անդրեյ Պոպովսկին INTONEMA լեյբլի իմպրովիզատորների միության անդամ է: Իր էքսպերիմենտալ նախագծերում շատ է աշխատում ջութակի և էլեկտրո կիթառի հետ, ինչպես նաև տարբեր առարկաների, ձայների և արձագանքների հետ:

• Դավիթ Բալասանյանը կոմպոզիտոր և դաշնակահար է, բազմաթիվ միջազգային փառատոնների մրցանակակիր է, ում ստեղծագործությունները հնչել են աշխարհի տարբեր երկրների բեմերից: Էքսպերիմենտալ նախագծեր է իրականացնում տարբեր երաժիշտների հետ, ինչպես նաև հայտնի է իր ազատ իմպրովիզացիոն կատարումներով:

• Մուտքն ազատ է
• Տեղեկությունների համար՝ 010 56 95 54