Գրավիչ ռիթմեր և մեղեդի, վարակիչ էներգիա, տարբերվող երաժշտական պատկերներ, որոնք հանդիսատեսին կտանեն ջազային էքսպերիմենտալ ճամփորդության։

Այժմ գիտեք, թե ձեզ ինչ է սպասվում մեր ձմեռային վերջին համերգին։

Գարունը կգա ջազով՝ Ռեմի Փանոսյան տրիոյի հետ։

Ռեմի Փանոսյան տրիոն հիմնադրվել է 2009 թվականին Ֆրանսիայում և հասցրել է 500-ից ավել համերգներով հանդես գալ շուրջ 40 երկրում։

Խմբին աննախադեպ հաջողություն է բերել, հատկապես, տրիոյի 10-ամյակին նվիրված հոբելյանական 5-րդ ալբոմը (In Odd We Trust)։ Այն ներառված է մի շարք նշանավոր ռադիոալիքների ալբոմների ցանկում և երկար ժամանակ առաջնորդում էր Deezer, Spotify և այլ հարթակների երաժշտացանկերը։