This event has passed.

ՏԱՆԻՔԸ՝ ՀԱՅԱՍՏԱՆ

Name: ՏԱՆԻՔԸ՝ ՀԱՅԱՍՏԱՆ
Start: 2024-10-06T00:00:00+04:00
End: 2024-10-06T23:59:59+04:00

October 6

Հոկտեմբեր 6 (կիրակի)

Seasons Park զբոսայգի

ՏԱՆԻՔԸ՝ ՀԱՅԱՍՏԱՆ
Ազգային փոքրամասնություններ

Երբևէ մտածե՞լ եք՝ քանի ազգային փոքրամասնություն է հավաքված Հայաստանի տանիքի տակ, ի՞նչ խնդիրներ ու ձեռքբերումներ ունեն նրանք․․․
Հոկտեմբերի 6-ին՝ Ազգային փոքրամասնությունների օրը, ժամը 14:00-ից սկսած այցելեք Seasons Park զբոսայգի՝ դառնալու բազմազան մշակութային խճանկարի մի մասը։

Այս տարի միջոցառումը կունենա է 3 ուղղվածություն՝
• մշակույթ • սպորտ • ազգային խոհանոց

Օրը կմեկնարկի ազգային փոքրամասնությունները ներկայացնող կազմակերպությունների ղեկավարների և պետական մարմինների ներկայացուցիչների մասնակցությամբ պանելային քննարկումով և կերպարվեստի ու կիրառական արվեստի աշխատանքների ցուցահանդեսով։
Ազգային տաղավարերում կձևավորվեն աշխատարաններ, կիրականացվի ավանդական պարերի և երգերի ուսուցում, որից հետո ազգային երգի և պարի խմբերը հանդես կգան տոնական համերգային ծրագրով։
Հատուկ ֆոտոհարթակներում այցելուները հնարավորություն կունենան լուսանկարվել ազգային փոքրամասնությունների տարազներով։

Միջոցառման սպորտային հատվածում ազգային համայնքների ներգրավմամբ կկազմակերպվեն ավանդական սպորտաձևերի և խաղերի ուսուցում և մրցույթներ։
Զուգահեռաբար բոլոր ցանկացողները՝ առանց տարիքային սահմանափակման, կարող են մասնակցել «Բարեկամության գավաթ» վազքի և արագ քայլքի մրցարշավներին։

Երեկոյան, հատուկ պատրաստված գաստրոտաղավարում համայնքներից յուրաքանչյուրը կներկայացնի իր ազգային խոհանոցը։ Այցելուներին հնարավորություն կընձեռնվի համտեսել թե նախապես պատրաստված, թե տեղում պատրաստվող ազգային ուտեստներ, կներկայացվեն դրանց բաղադրատոմսերը և պատրաստման եղանակները:
Օրվա ավարտին բոլոր մասնակիցները համախմբվելով մեկ սեղանի շուրջ կմասնակցեն միասնական ընթրիքի և կունկնդրեն ազգային երաժշտություն։

Միջոցառումն իրականացնում է Հայաստանի պետական ֆիլհարմոնիան՝ ՀՀ կառավարության աջակցությամբ։