«Առնո Բաբաջանյան» համերգասրահ

Դեկտեմբեր 8 (ուրբաթ)

17:00 – Պանելային քննարկում

18:00 – Ցուցահանդես

19:00 – Համերգ

ՏԱՆԻՔԸ՝ ՀԱՅԱՍՏԱՆ

ազգային փոքրամասնություններ

Հայաստանի պետական ֆիլհարմոնիան, ՀՀ կրթության, գիտության, մշակույթի և սպորտի նախարարության աջակցությամբ իրականացնում է Հայաստանի ազգային փոքրամասնությունների արվեստին ու մշակութային առանձնահատկություններին նվիրված միջոցառումների շարք։

Երբևէ մտածե՞լ եք՝ քանի ազգային փոքրամասնություն է հավաքված Հայաստանի տանիքի տակ, ի՞նչ խնդիրներ ու ձեռքբերումներ ունեն նրանք։

Դեկտեմբերի 8-ին եկե՛ք «Առնո Բաբաջանյան» համերգասրահ՝ մասնակիցը դառնալու այս բազմազան մշակութային խճանկարի։

Երեկոն կմեկնարկի «Առնո Բաբաջանյան» համերգասրահի ներքնահարկում՝ ազգային փոքրամասնությունները ներկայացնող կազմակերպությունների ղեկավարների և պատկան մարմինների ներկայացուցիչների մասնակցությամբ պանելային քննարկումով։

Դահլիճի ճեմասրահում տեղի կունենա կերպարվեստի և կիրառական արվեստի աշխատանքների ցուցահանդես, որից հետո ազգային երգի և պարի խմբերը հանդես կգան տոնական համերգային ծրագրով։

Միջոցառումների մուտքն ազատ է։

Տեղեկությունների համար՝ 010569554

Հայաստանի պետական ֆիլհարմոնիա

(Աբովյան 2)