Հուլիս 5 (ուրբաթ), 19։00
 «Առնո Բաբաջանյան» համերգասրահ

«ՎԻԴԱ» ԿԻԹԱՌԻ ՔԱՌՅԱԿ

Play 2 փառատոնի, D’Addario հիմնադրամի և Հայաստանի պետական ֆիլհարմոնիայի համագործակցությամբ, հուլիսի 5-ին, ժամը 19։00, Երևանի «Առնո Բաբաջանյան» համերգասրահում տեղի կունենա հանրահայտ «ՎԻԴԱ» քառյակի համերգը։

Վիրտուոզ կիթառահարների խումբը հիմնադրվել է 2007թ․ Մեծ Բրիտանիայում՝ տարիների ընթացքում դառնալով այս ժանրի ամենանշանակալի անսամբլներից մեկն աշխարհում։

«․․․ չորս կիթառների կախարդանք, որը հնչում է մի ողջ նվագախմբի նման» (Gramophone)
«․․․ երաժշտական գույների և կերպարների վառ ներկապնակ» (Classic FM)
«․․․ կրքոտ վարպետների անսամբլ, որը փայլում է յուրատիպ կենսունակությամբ» (Acoustic)
Այսպես են խմբին բնութագրում հեղինակավոր պարբերականները։։

Երևանյան համերգին «ՎԻԴԱ» քառյակի յուրովի մեկնաբանությամբ կհնչեն եվրոպացի դասական կոմպոզիտորների, ինչպես նաև Կոմիտասի և Արամ Խաչատրյանի ստեղծագործությունները։

Բաց չթողնե՛ք այս բացառիկ երեկոյին ներկա գտնվելու հնարավորությունը։

 Տոմսերը վաճառվում են «Առնո Բաբաջանյան» համերգասրահի տոմսարկղում (Աբովյան 2)