Օգոստոս 8 (հինգշաբթի), 19։00
 «Առնո Բաբաջանյան» համերգասրահ

ԲԱՐԵԳՈՐԾԱԿԱՆ ՀԱՄԵՐԳ

Նորաստեղծ հայ-ֆրանսիական Couleurs d’Arménie անսամբլի նպատակն է ճանաչելի դարձնել հայկական երաժշտությունը Ֆրանսիայի հանդիսատեսի համար։

Անսամբլի գեղարվեստական ղեկավար՝ Ռադիո Ֆրանս երգչախմբի մենակատար Պատրիկ Րադըլեն ներդրել է իր մասնագիտական փորձն ու հմտությունները Ֆրանսիայում Հայաստանի արդի հիմնահարցերը երաժշտության միջոցով բարձրաձայնելու նպատակով։

Վերջին շրջանում անսամբլը բազմաթիվ բարեգործական համերգներով հանդես է եկել Ֆրանսիայում։ Երևանյան համերգի ընթացքում կհնչեն հոգևոր երգեր, հայ կոմպոզիտորների ստեղծագործություններ, ինչպես նաև Պատրիկ Րադըլեի հեղինակած «Արցախ» եռամաս ստեղծագործությունը՝ դաշնամուրի և թավջութակի համար։

Համերգի ընթացքում տեղի կունենա հանգանակություն, գոյացած գումարը ամբողջությամբ կփոխանցվի արցախցի կնոջ, ով պայքարում է ծանր հիվանդության դեմ և երեք անչափահաս երեխաների մայր է։

 Մուտքն ազատ է
 Տեղեկությունների համար` 010569554