Նոյեմբերի 17-ին «Առնո Բաբաջանյան» համերգասրահում տեղի կունենա Վահան Արծրունու «Կոմիտաս’ երաժիշտ և բանաստեղծ» նախագծի թվով 8-րդ համերգը։

Այս անգամ հանդես կգան երգիչ կոմպոզիտոր Վահան Արծրունին՝ KVart կամերային անսամբլի նվագակցությամբ և ազգային նվագարանների վարպետ և կատարող Նորայր Քարտաշյանը իր «Մենուա» ֆոլկ խմբով։

Կհնչի Վահան Արծրունու «Կոմիտաս. Տասը Հայտնություն» երգաշարը՝ գրված Կոմիտասի բանաստեղծությունների հիման վրա և կոմիտասյան եղանակներ Նորայր Քարտաշյանի մշակմամբ։

«Կոմիտաս’ երաժիշտ և բանաստեղծ» համերգային նախագիծը մտահղացել է երգիչ, կոմպոզիտոր Վահան Արծրունին, Կոմիտաս Վարդապետի 155-ամյակին ընդառաջ։ Այն շարունակական բնույթ է կրում՝ նպատակ ունենալով տարբեր համերգային ծրագրերի միջոցով ներկայացնել կոմիտասյան երաժշտական ժառանգության բոլոր դրսևորումները համազոր կերպով։

Նախագիծն իր տեսակով և գեղագիտությամբ բացառիկ է, քանի որ ներառում է Կոմիտասի բնագրային վոկալ, վոկալ-գործիքային, դաշնամուրային, երգչախմբային ստեղծագործությունները, ինչպես նաև Վարդապետի երաժշտության բազմաբնույթ մեկնությունները և գրական ժառանգությունը։

Համերգի մասնակիցներ`

• Վահան Արծրունի և KV ART անսամբլ’
• Նարեկ Ավագյան (ֆլեյտա)
• Նարեկ Սահակյան (ջութակ)
• Իվետա Կոռկինա (ջութակ)
• Հայկ Տեր-Հովհաննիսյան (ալտ)
• Վահե Դանիյելյան (թավջութակ)
• Եվա Գևորգյան (կոնտրաբաս)
• Նորայր Քարտաշյան և «Մենուա» խումբ
• Էրիկ Ավագյան (փողային նվագարաններ)
• Վասիլ Սահակյան (փողային նվագարաններ)
• Գրիգոր Քարտաշյան (փողային նվագարաններ)
• Մարիա Արիստակեսյան (թավջութակ)
• Լիլիթ Պետրոսյասնի (քանոն)
• Գրիգոր Դավթյան (հարվածային նվագարաններ)
• հատուկ հյուր ` Րաֆֆի Դիմոյան (գալարափող)

Տոմսերը վաճառվում են «Առնո Բաբաջանյան» համերգասրահի տոմսարկղում (Աբովյան 2)
Տոմսերի արժեքը՝ 2,000 – 5,000 դր․

Տեղեկությունների և ամրագրման համար` 098 881717