ՄԵՆԱՀԱՄԵՐԳ
Այլեն Պրիտչին (ջութակ)

«Ակնհայտ է, որ նա հատուկ ասելիք ունի և օժտված է բացառիկ երաժշտական տաղանդով, որը գերազանցում է կատարողական հմտության սահմանները» – այսպես է արտահայտվել ջութակահարի մասին Բրունո Մոնսենժոնը:

Այլեն Պրիտչինը Մոսկվայի կոնսերվատորիայի շրջանավարտ է, Չայկովսկու, Կրեյսլերի և Վենյավսկու անվան միջազգային մրցույթների դափնեկիր, Մարգարիտ Լոնգ և Ժակ Տիբո մրցույթի առաջին մրցանակինիր։ Համարվում է իր սերնդի ամենավառ կատարողներից մեկը։
Որպես մենակատար և կամերային երաժիշտ, ակտիվ հյուրախաղերով հանդես է գալիս Ռուսաստանում, Ֆրանսիայում, Բելգիայում, Իտալիայում, Գերմանիայում, Կանադայում, Ճապոնիայում, Չինաստանում, ԱՄՆ-ում:

Ելույթներ է ունեցել այնպիսի երաժիշտների և նվագախմբերի հետ, ինչպիսիք են Թեոդոր Կուրենտզիսը, Դավիթ Գերինգասը, Ալեքսանդր Մելնիկովը, MusicAeterna նվագախումբը, Մարիինյան թատրոնի նվագախումբը, Ռուսաստանի ազգային ֆիլհարմոնիկ նվագախումբը, Թայվանի, Օսակայի և Լիվերպուլի ֆիլհարմոնիկ նվագախմբերը։

​​Կամերային երաժշտության բնագավառում Պրիտչինի մշտական գործընկերների թվում են Լուկաս Գենիուշասը և Յուրի Ֆավորինը, որոնց հետ հրատարակվել են մի քանի սկավառակներ։ 2019-2020 թթ․ Ad Vitam և Aparté լեյբլները թողարկել են Պրիտչինի կատարմամբ Պրոկոֆևի, Բարտոկի, Բրամսի ստեղծագործություններով ձայնասկավառակներ։
2020 թվականից երաժիշտը Բրյուսելի և Անտվերպենի կոնսերվատորիաների պրոֆեսոր է։

Երևանյան համերգի ընթացքում Այլեն Պրիտչինը հանդես կգա մենանվագ ջութակի համար գրված ստեղծագործությունների կատամամբ։
Կհնչեն՝ Յ․ Ս․ Բախի , Է․ Իզայիի, Բ․ Բարտոկի, Ա․ Խաչատրյանի մենանվագ սոնատները։

 Տոմսերը վաճառվում են «Առնո Բաբաջանյան» համերգասրահի տոմսարկղում (Աբովյան 2)