Հայաստանի պետական ֆիլհարմոնիան 2007 թվականից իրականացնում է «Դպրոցականի ֆիլհարմոնիա» կրթամշակութային ծրագիրը: Ուսումնական տարվա ընթացքում յուրաքանչյուր ուրբաթ անցկացվում են դաս-համերգներ «Առնո Բաբաջանյան» համերգասրահում՝ շուրջ 300 աշակերտների ինտերակտիվ մասնակցությամբ։
«Դպրոցականի ֆիլհարմոնիա» ծրագրի շրջանակներում աշակերտները հանդիպում են հանրային ճանաչում ունեցող արվեստագետների, երաժշտական խմբերի հետ՝ ծանոթանում երաժշտական ժանրերին, գործիքներին և ձայնային առանձնահատկություններին։
06/10/2023 | 14:00
Հերթական հանդիպումը նվիրված է ստեղծագործելուն` կոմպոզիտոր, կոնտրաբասահար Դեյվ Գյոդակյանի բանախոսությամբ։
Զրուցելու ենք ստեղծագործական վերելքների ու ճգնաժամերի, երաժշտական կոմպոզիցիաներ ստեղծելու առանձնահատկությունների և շատ ու շատ այլ թեմաների մասին։ Մանրամասների համար` 098578002 կամ գրել մեր էջին:
«Առնո Բաբաջանյան» համերգասրահ | ՆԵՐՔՆԱՀԱՐԿ
Մուտքն ազատ է:
29/09/2023 | 14:00
«Դպրոցականի ֆիլհարմոնիա» կրթամշակութային ծրագրի և Չարենցավանի Արամ Խաչատրյանի անվան երաժշտական դպրոցի համագործակցությամբ մեկնարկում է դաս-համերգների շարք: Միջոցառումները տեղի կունենան յուրաքանչյուր ամսվա վերջին ուրբաթ օրը:
Առաջիկա հանդիպմանը ելույթ կունենա Հայաստանի պետական ֆիլհարմոնիայի «ՖՈԼԿ-ՄՈԴԵՌՆ» ժող. գործիքների անսամբլը (գեղ. ղեկավար՝ ՀՀ վաստակավոր արտիստ Լևոն Թևանյան, դիրիժոր՝ Ալեքսան Հարությունյան): Մանրամասների համար` 098 578 002, կամ գրել մեր էջին:
Արամ Խաչատրյանի անվան երաժշտական դպրոց | Չարենցավան
Մուտքն ազատ է:
21/09/2023 | 14:00
Հայաստանի կարևորագույն պետական և ազգային տոներից է Անկախության օրը, որը նշվում է սեպտեմբերի 21-ին։
Այս հատկանշական օրվա դաս-համերգը վարելու են Թելմանի անվան թիվ 13 հիմնական դպրոցի «Ազգային երգ ու պար» առարկայի խմբակի սաները։
Դաս-համերգը կազմակերպված է դպրոցահասակաների կողմից դպրոցահասակաների համար։ Մասնակցության համար գրանցվել՝ զանգահարելով 098 578002 հեռախոսահամարով, կամ գրել մեր էջին:
«Առնո Բաբաջանյան» համերգասրահ | ՆԵՐՔՆԱՀԱՐԿ
Մուտքն ազատ է: