📆 Հունվարի 3 (ուրբաթ), ժամը՝ 19։00
📍 «Առնո Բաբաջանյան» համերգասրահ
✨ ԿԱԽԱՐԴԱԿԱՆ ՀԱՄԵՐԳ

Սիրելի փոքրիկներ, ծնողներ և պարզապես երաժշտասերներ, հրավիրում ենք ձեզ կախարդական ամանորյա համերգի, որը կունենա տարբերվող ձևաչափ. երեխաները կլինեն ոչ միայն հանդիսատես, այլև համերգային ծրագրի և երաժիշտական իմպրովիզացիաների ակտիվ մասնակից:

Որոշել ենք հատուկ ուշադրության արժանացնել երեխաների երաժշտական տաղանդը՝ ոգևորելու նրանց բացահայտել իրենց իսկ ստեղծագործական ներուժը: Եթե նկատում եք, որ ձեր փոքրիկը հետաքրքրված է երաժշտությամբ, ապա այս համերգը հենց նրա համար է: Իսկ մեծերի համար սա այն է, ինչ հարկավոր է 2025-ի առաջին աշխատանքային օրը դրականով լցնելու ու հաջողակ տարվա տոնական մեկնարկ տալու համար:

Համերգին կհնչեն «Միքայել Ոսկանյան և ընկերներ» խմբի հեղինակային երգերն ու մշակումները՝ իհարկե համադրված տոնական մեղեդիներով և երգերով։

Երեխաներին նաև սպասում են երաժշտական նվերներ․ մեր փոքրիկ հյուրերը կարող են մասնակցել հատուկ խաղարկությանը, և պատահականության սկզբունքով ընտրված մասնակիցներից 4-ը կստանան հետևյալ նվերներից մեկը՝

• երգի պրոֆեսիոնալ արտադրություն Oberton երաժշտական ընկերության կողմից՝ հատուկ երեխաների համար։
• այց երաժշտական ստուդիա՝ ծանոթանալու երգի արտադրության ետնաբեմին՝ տեսնելով, թե ինչպես են ստեղծվում երգերը։
• ժողովրդական երգերի մեկ անվճար դաս
• թառ նվագելու 1 անվճար դաս՝ հայտնի թառահար և կոմպոզիտոր Միքայել Ոսկանյանի հետ։

🎁 Նվերների խաղարկությանը մասնակցելու համար գրանցվեք այստեղ՝ https://forms.gle/ffxZmq2J5QF3cKa7A
Շտապե՛ք ամրագրել ձեր տեղերը։

🎟️ Տոմսերը վաճառվում են «Առնո Բաբաջանյան» համերգասրահի տոմսարկղում (Աբովյան 2)
🎫 Տոմսերի արժեքը՝ 5,000 – 10,000 դր․

📞 Տեղեկությունների և ամրագրման համար` 098 881717

Հայաստանի պետական ֆիլհարմոնիա